Alex Johannesen FM-meistari triðja árið á rað.

‐———————————

Í Føroyum hava vit í løtuni tríggjar høvuðsgreinar innan leirdúgvuskjóting: Nordisk Trap, OL Trap og Skeet. Á onkrum av breytunum er eisini møguligt at skjóta ABT (Automatic Ball Trap) og English Skeet. Hesar greinar verða tó ikki skotnar í sama mun, men vónandi fara tær eisini at vinna størri undirtøku í Føroyum komandi árini.

Í dag varð FM í Nordisk Trap avgreitt á skjótiøkinum hjá Eysturskot í Leirvík. Og enn einaferð var tað Alex Johannesen, sum stóð ovastur á sigurspallinum.

Alex, sum eisini gjørdist føroyameistari í 2024 og 2025, endurtók bragdið og tryggjaði sær sostatt FM-heitið fyri triðja árið á rað.

Alex umboðar Eysturskot í heimligu kappingunum, men skjýtur vanliga OL Trap. Úrslitini hjá honum í OL Trap í ár hava ikki verið heilt á sama støði sum undanfarin ár, hóast hann framvegis liggur greitt á odda á styrkilistanum. Sigurin í dag vísir tó, at støðið framvegis er høgt í Nordisk Trap.

14 skjúttar – og gleðilig ungdómsluttøka.

————————————–

Tilsamans 14 skjúttar luttóku í FM-kappingini í Nordisk Trap í dag. Og sera gleðiligt var, at tríggir ungir skjúttar vóru við í kappingini.

Hjá teimum vaksnu gjørdist úrslitið:

1. Alex Johannesen – Eysturskot

2. Kristian Johannessen – Eysturskot

3. Carsten Joensen – Eysturskot

Í FM-kappingini hjá unglingum gjørdist úrslitið:

1. Jógvan Sjúrður Hansen – Byrsumúli

2. Marius Gaardlykke – Eysturskot

3. Bartal Klettheyggj – Byrsumúli

Formaðurin í Skjótisambandinum, Esmar Joensen handaði heiðursmerkir og steyp.

Leirdúgvuskjótingin er í framgongd.

——————————-

Seinastu tíðina hevur verið ein jalig gongd innan føroyska leirdúgvuskjóting. Fleiri fólk møta til venjing, og serliga Nordisk Trap og Skeet tykjast vekja áhuga hjá nýggjum skjúttum. Hetta er ein sera gleðilig gongd fyri ítróttin.

Hjá Eysturskot verða umstøðurnar eisini enn betri í komandi tíð. Ætlanin er at betra um ljóðverjuna kring skjótiøkið, so ljóðið frá skotunum verður avmarkað enn meira. Hetta arbeiðið verður sett í verk í næstum.

Eisini hølisviðurskiftini vera betraði í komandi tíðum.

Bert ein kapping er nú eftir á skránni hjá Eysturskot í Leirvík í ár, og tað er jólakappingin.

Felagið kann líta aftur á eitt sera væleydnað kappingarár við góðari undirtøku og nógvum góðum løtum á breytini.

Vit í Eysturskot eru sera fegin um undirtøkuna, sum skjótiøkið í Leirvík hevur fingið higartil í ár – hon hevur heilt einfalt verið framúr góð.

Komi og royni leirdúgvuskjóting:

Mikudag kl.17:00 skjóta vit Nordisk Trap, tit eru

vælkomin at royna hesa greinina, øll kunnu vera við.

Styrkilistið Nordisk Trap

Styrkilistið OL Trap,

Vitja: Spurningar / Svar

Um tit hava spurningar um leirdúgvu skjóting

skriva so til eysturskot@gmail.com

og vit svara so gott vit kunnu…

Sølutorg:

Um tit hava eitthvørt til sølu sum hevur við byrsur ella líknandi at gera, eru tit vælkomin at senda okkum ein teldupost, og vit leggja tað út á okkara sølutorg.